Virgin Labfest XI: Sariwa nga ba?

Virgin Labfest’s theme for its 11th year is SARIWA. Bagay na bagay since ang ipinapalabas naman sa festival na ito ay mga dula na untried, untested at unstaged. Pero ang tanong ay sariwa nga ba ang bawat isa sa 12 dulang napanood ko nung nakaraang linggo?

So far, wala pa naman akong napanood na pagtatanghal sa VLF na hindi magaling ang mga artista at hindi maayos ang set design. Kaya kadalasan, yung kuwento at kung paano ikinuwento ang ginagawa kong basehan kung ano ang tatlong dulang gusto kong mapanood ulit sa susunod na taon sa Revisited category.

Ang HINTAYAN NG LANGIT ni Juan Miguel Severo ang pinakagusto ko ngayong taon. Nagbago na ang pananaw ko sa cliché line na “til death do us part”. Kakaibang kwento ng tunay na pag-ibig at pagtupad sa mga pangako. Nakatulong din siguro ang sobrang gandang chemistry on stage ng real-life couple na sina Edna Vida Froilan (bilang Lisang) at Nonoy Froilan (bilang Manolo) sa kilig factor. At syempre, kaya malakas ang impact nito sa kin (at siguro sa karamihan) ay dahil sa mga hugot lines.

Hindi man gaanong bago ang unrequited love na storyline ng SI MARIA ISABELLA AT ANG GURYON NG MGA TALA ni Eljay Castro Deldoc ay maganda naman ang production. Ang dami nilang ginamit na techniques like puppetry, shadow play at yung may rewind pa (haha! di ko alam tawag dun?) na bihira ko lang makita sa VLF productions. Ito ang runner-up this year para sa kin. Mararamdaman mo talaga yung sobrang effort ng dalawang bida para sa pag-ibig nilang di naman nasuklian. Si boy na-friendzone samantalang si girl di man lamang yata na-seenzone. Ang saklap.

Ang AN EXPECTED naman ni Alvin Molina ang ikatlong dula na gusto kong mapasama sa Revisited category next year. Tungkol ito sa isang lalaking may boyfriend na bigla na lamang nagkaroon ng pagdududa sa kanyang mga choices sa buhay. Buti na lamang at very understanding ang kanyang partner at may isang fairy na namimigay ng libreng wish. Nagkaroon siya ng chance na malaman ang sagot sa kanyang mga what ifs. Hindi man bago ang homosexual love story sa VLF pero ang dulang ito ay nagbigay ng bagong perspective sa same sex relationship. May motto kasi ako in life: Sa pag-ibig, walang kasarian. Minamahal mo ang tao sa kung sino siya, hindi kung babae o lalaki siya. Ngayon dahil sa play na ito, napaisip ako at lalong naguluhan. Parte kasi talaga ng pagkatao ang kasarian.

Tumukoy man ako ng tatlong dulang pinakanagustuhan ko ay di ko rin naman masasabing hindi na maganda ang siyam pang ibang dula.

Ang DALAWANG GABI ni Maynard Manansala na isang wrong timing na love story ng isang teacher at ng kanyang former student ay nakakatawa at masakit at the same time. Ang twist naman sa UOD, BUTETE AT SI MYRNA ni Layeta Bucoy ay nagustuhan ko. Kaya lang parang masyadong maaga ko ata nahulaan ang mangyayari kay Myrna, isang laos na prostitute na sinusuyo ng duwag na si Uod na handa siyang ipagtanggol sa hoodlum na si Butete. Very entertaining din ang mga paggiling at pagkanta ng mga macho dancers sa kauna-unahang musical entry sa VLF na MACHO DANCER A MUSICAL ni Nicolas Pichay. Medyo nakulangan lang ako sa lalim ng story at parang di na bago para sa akin. Hindi na rin bago ang kwento ng BIRTWAL ni Jose Garcia na tungkol sa expectations and disappointments ng virtual lovers na first time magkikita after 9 months of being in a relationship. Di man bago ang kwento pero bago ang technique dahil halos walang dialogue ang mga artista. Text messages lang na ikaw na ang bahala maglagay ng tone based sa body language ng mga artista.

Pareho namang awkward para sa kin ang KUBLIHAN ni Jerome Ignacio at ANG NANAY KONG EX-NPA nina Genevieve Asenjo at Em Mendez. Jerome Ignacio’s KUBLIHAN is a story of friendship and growing up. Parang rollercoaster ride ang eksena ng dalawang highschool boys na masayang inaalala ang kanilang mga nakaraan at tila iniiwasan namang pag-usapan ang kanilang mga kasalukuyang sitwasyon at ang nalalapit nilang paghihiwalay ng landas habang nanonood ng eclipse. Reunited naman ang nanay na ex-NPA at ang anak niyang iniwan sa pangangalaga ng iba para ilayo sa gulo ng pakikibaka sa kabundukan. Na-awkwardan ako sa mga palabas na ito pero sa tingin ko ay yun naman ang gustong iparamdam sa kin ng dalawang dula.

Pareho namang tila poverty porn para sa kin ang HULING HULI ni Herlyn Gail Alegre (kwento ng mga babaeng nagbebenta ng aliw sa mga pagod na mangingisda kapalit ng kanilang huli) at ang TALO ANG WALANG ALAM (kwento ng katusuan sa pagitan ng isang buntis na palaboy, ang bayaw niyang adik, ang corrupted na pulis at isang kaawa-awang biktima ng snatching) ni Jose Mari Sanchez. Mas nagustuhan ko ang ending ni Sanchez dahil di ko yun inasahan. Akala ko kasi happy ending para sa lahat. Medyo nainip lang ako sa ending ng kay Alegre. Para sa kin masyado nang stretched ang kwento. Parang nabitin naman ako sa kwento ng time travelling lovers sa WHEN SAM MET JO ni Job Pagsibigan. Entertaining pero parang may kulang.

Sa kabuuan, masasabi ko naman na ang bawat palabas ay sariwa naman sa kanilang sariling paraan: sariwang kwento, sariwang pananaw, sariwang pagtalakay sa lumang idea. Ipinahayag ko lamang ang aking opinion sa bawat dula. Maaring parehas o magkaiba tayo ng pananaw sa bawat isa. Sabi nga, to each his own. Iba’t iba ang mga karanasan at pananaw natin sa buhay kaya iba-iba ang ating mga preferences. Ang mahalaga, ang bawat palabas na napanood ko, nagustuhan ko man o hindi, ay mayroong naipahatid sa kin na mensahe.

Para malaman niyo kung agree ba kayo o hindi sa aking mga opinion, panoorin niyo rin ang mga dulang ito. Ang huling linggo ng Virgin Labfest ay nagsimula kahapon (July 8) at matatapos sa Linggo (July 12). May pagkakataon ka pang mapanood ang 12 bagong dula kasama ang 3 piling dula mula sa nakaraang taon. For more information, check their FB page: The Virgin Labfest.

image

(Photos all grabbed from The Virgin Labfest Facebook page)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s